Все православные молитвы

Главная » Все молитвы » Молитвы святым сорока мученикам Севастийским

Молитва святым сорока мученикам Севастийским.

Икона Образ Сорок мучеников Севастийских

Сорок мучеников Севастийских

Молитва святым сорока мученикам Севастийским

О святии славнии страстоносцы Христовы четыредесяте, во граде Севастии Христа ради мужественно пострадавшии, чрез огнь бо и воду проидосте, и яко друзи Христовы в покой Небеснаго Царствия вшедше, имате велие дерзновение ко Пресвятей Троице ходатайствовати о роде христианском: наипаче же о почитающих святую память вашу, и с верою и любовию вас призывающих. Испросите у всещедраго Бога прощение согрешений наших и жития нашего исправление, да в покаянии и нелицемерной любви друг ко другу поживше, со дерзновением предстанем страшному судищу Христову, и вашим предстательством одесную праведнаго Судии предстанем. Ей, угодницы Божии, будите нам защитницы от всех враг видимых и невидимых, да под кровом святых ваших молитв избавимся от всех бед, зол и напастей до последняго дне жизни нашея, и тако прославим великое и достопокланяемое имя вседетельныя Троицы, Отца и Сына и Святаго Духа, ныне и присно и во веки веков. Аминь.

Молитва вторая мученикам Севастийским

О страстотерпцы Христовы, во граде севастийстем мужественно пострадавшии, к вам, яко молитвенникам нашим усердно прибегаем и просим: испросите у Всещедраго Бога прощение согрешений наших и жития нашего исправление, да в покаянии и нелицемерной любви друг ко другу поживше, со дерзновением предстанем страшному судищу Христову и вашим предстательством одесную Праведнаго Судии предстанем. Ей, угодницы Божии, будите нам, рабам Божиим (имена), защитницы от всех враг видимых и невидимых, да под кровом святых ваших молитв избавимся от всех бед, зол и напастей до последнего дне жизни нашея, и тако прославим великое и достопоклоняемое имя Вседетельныя Троицы, Отца и Сына и Святаго Духа, ныне и присно и во веки веков. Аминь.

Тропарь святым сорока мученикам Севастийским.

Тропарь, глас 1:
Болезньми святых, имиже о Тебе пострадаша, умолен буди Господи, и вся наша болезни исцели Человеколюбче, молимся.

Кондак, глас 6:
Все воинство мира оставльше, на небесах Владыце прилепистеся, страстотерпцы Господни четыредесять: сквозе огнь бо и воду прошедше, блаженнии, достойно восприясте славу с небес и венцев множество.

Тропарь, глас 1:
Страстоносцы всечестнии, воини Христовы четыредесяте, твердии оружницы, сквозе огнь и воду проидосте, и ангелом сограждане бысте, с нимиже молитеся Христу о иже верою хвалящих вас: слава давшему вам крепость, слава венчавшему вас, слава подавающему вами всем исцеления.

Тропарь, глас 3:
Страстотерпцы Христовы четыредесяте, во граде Севастийстем мужественно пострадавшии, чрез огонь и воду прошедшии, в покой вечный вшедшии, молитеся о нас ко Господу, да жизнь нашу мирну сохранит, и души наша спасет, яко Человеколюбец.

Величание:
Величаем вас, святии мученицы, и чтем честная страдания ваша, яже за Христа претерпели есте.

Акафист святым сорока мученикам Севастийским ...

Популярные молитвы:

Молитва Фомаиде Египетской
Молитва Нилу Сорскому
Молитва Никите Переславскому чудотворцу
Молитва преподобному Петру Ордынскому, царевичу Ростовскому, чудотворцу
Молитва Пресвятой Богородице Почаевская
Молитва Иову Почаевскому
Молитва Божьей Матери Благодатное Небо
Молитва Пресвятой Богородице Призри на смирение
Молитва Божьей Матери Спорительница хлебов
Молитва Пресвятой Богородицы Избавительница от бед
Молитва Господу Богу о спасении и сохранении РОССИИ

Все молитвы ...



^ Наверх