Все православные молитвы

Главная » Все молитвы » Молитва преподобному Даниилу Переяславскому

Молитва преподобному Даниилу Переяславскому.

Икона Образ Даниил Переяславский

Даниил Переяславский

Молитва преподобному Даниилу Переяславскому

О, преподобне и богоносне отче наш Данииле, всесмиренно к тебе припадаем и тебе молимся: не отступи от нас духом твоим, но всегда поминай нас во святых и благоприятных молитвах твоих ко Господу нашему Иисусу Христу; молися Ему, да не потопит нас бездна греховная, и да не будем врагом, ненавидящым нас, в радование; да простит Христос Бог наш твоим предстательством за нас вся согрешения наша, и Своею благодатию водворит посреде нас единодушие и любовь, и да избавит нас от козней и наветов диавольских, от глада, губительства, огня, всякия скорби и нужды, от болезней душевных и телесных и от внезапныя смерти; да сподобит Он нас, притекающих к раце мощей твоих, в истинней вере и покаянии пожити, христианския, непостыдныя и мирныя кончины жития нашего достигнути, и наследовати Царство Небесное, и славити пресвятое имя Его со Безначальным Отцем и Пресвятым Духом во веки веков. Аминь.

Тропарь, глас 3:
От юности, блаженне, всего себе Господеви возложив, выну повинуяся Богу, противяся же диаволу, страсти греховныя победил еси. Тем сам храм Божий быв, и обитель красну во славу Пресвятыя Троицы воздвигнув, и собранное тобою в ней стадо Христово богоугодно упас, преставился еси к вечным обителем, отче Данииле. Моли Триипостаснаго во едином существе Бога, спастися душам нашим.

Кондак, глас 1:
От познания себе пришед в познание Бога и благочестием к Нему восприим начало чувства внутренняго, разум свой пленил в послушание веры; тем и, подвигом добрым подвизався, достигнул еси в меру возраста совершенна исполнения Христова, яко Божие тяжание, Божие здание, делал еси брашно, не гиблющее, но брашно, пребывающее в живот вечный. Да будут единодушно вси насаждение Господне в славу, моли, блаженне, Единаго Человеколюбца Бога.

Ин кондак, глас 8:
Невечерняго Света пресветлое светило, жития чистотою просвещающее всех, явился еси, отче Данииле, образ бо и правило иноком был еси, сиротам же отец, и питатель вдовицам. Сего ради и мы, чада твоя, вопием ти: радуйся, радосте и венче наш; радуйся, многое имый к Богу дерзновение; радуйся, граду нашему велие утверждение.

Акафист святому преподобному Даниилу, Переяславскому чудотворцу ...

Популярные молитвы:

Молитва священномученику Зотику
Молитва Филиппу Московскому
Молитва преподобномученице Евдокии
Молитва Пресвятой Богородице Державная
Молитва Агапиту Печерскому
Молитва Артемия Веркольского чудотворца
Молитва Симеону Верхотурскому
Молитва Преподобной Таисии
Молитва Пресвятой Богородице Тучная Гора
Молитва Пресвятой Богородице Колочская
Молитва Пресвятой Богородице Калужская

Все молитвы ...



^ Наверх