Все православные молитвы

Главная » Все молитвы » Молитва к Пресвятой Богородице перед Ея иконой, именуемой «Гребневская»

Молитва к Пресвятой Богородице перед Ея иконой, именуемой «Гребневская».

Икона Образ Божьей Матери Гребневская

Икона Божией Матери Гребневская

Пред иконой Пресвятой Богородицы «Гребневская» молятся об избавлении от иноплеменных и сохранении Российской державы, об исцелении от недугов телесных, о защите жилища от воров и нападения врагов, при пожаре.

Молитвы к Пресвятой Богородице перед Ея иконой, именуемой «Гребневская»

О Пречудная и Превышшая всех тварей Царице Богородице, Небеснаго Царя Христа Бога нашего Мати, Пречистая Одигитрие Марие! Услыши нас грешных и недостойных в час сей молящихся и припадающих к Твоему Пречистому Образу со слезами и умиленно глаголющих: изведи нас от рова страстей, Владычице Преблагая, изба-ви нас от всякия скорби и печали, огради от всякия напасти и злыя клеветы, и от неправеднаго и лютаго навета вражия. Можеши бо, о Благодатная Мати наша от всякаго зла сохранити люди Твоя и всяким благодеянием снабдити и спасти; разве Тебе иныя Предстательницы в бедах и обстояниях, и теплыя Ходатаицы о нас, грешных, не имамы. Умоли, Госпоже Пресвятая, Сына Твоего Христа Бога нашего, да удостоит нас Царствия Небеснаго; сего ради всегда славим Тя, яко Виновницу спасения нашего, и превозносим святое и великолепное имя Отца и Сына и Святаго Духа, в Троице славимого и поклоняемаго Бога, во веки веков. Аминь.

Молитва иная к Пресвятой Богородице

К кому возопию, Владычице? К кому прибегну в горести моей, аще не к Тебе, Госпоже Владычице Богородице, Царице Небесная? Кто плач мой и воздыхание мое приимет, аще не Ты, о Пренепорочная, Надеждо христиан и Прибежище грешным? Приклони, о Пречистая Владычице, ушеса Твоя к молению моему, Мати Бога моего, не призри мя, требующа Твоея помощи, услыши стенание мое и вопль сердца моего внуши, о Госпоже Богородице Царице. И подаждь ми радость душевную, подкрепи мя нетерпеливаго, унылаго и нерадиваго к Твоему хвалению. Вразуми и научи мя, како Тебе молитися подобает, и не отступи от мене, Мати Бога моего, за роптание и нетерпение мое: но буди ми покров и заступление в жизни моей и приведи мя к тихому пристанищу блаженнаго онаго покоя, и сопричти мя к лику избраннаго Твоего стада и тамо удостой мя воспевати и славити Тя во веки. Аминь.

Тропарь Пресвятой Богородице перед Ея иконой, именуемой «Гребневская».

Тропарь, глас 8:
Днесь, яко солнце пресветло, просия в Российстей стране, в конце ея полуденнем, всечестная икона Твоя, Владычице, юже благоверный великий князь Димитрий в град Москву принесе. Светло празднуем, благовернии людие, честнаго образа пришествие, молящеся прилежно: Владычице Богородице, молися Сыну Твоему, Христу Богу нашему, избавити град Москву, страну нашу и вся православныя христианы от варварскаго пленения, и междоусобныя брани, и всех навет вражиих, Тебе бо Едину Заступницу имамы.

Кондак, глас 8:
От святыя иконы Твоея, Богородице Дево, источаются исцеления, яко реки многи, яже видевше, российстии людие, сице глаголем: о Пресвятая Владычице Богородице, не забуди грешных раб Твоих, молящихся Христу Богу нашему спастися нам.

Величание:
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем, с верою притекающим.

Акафист к Пресвятой Богородице пред иконой «Гребневская» ...

Популярные молитвы:

Молитва Пресвятой Богородице Млекопитательница
Молитва Арсению Тверскому
Молитва Ионы Московского чудотворца
Молитва Александру Свирскому
Молитва Лаврентию Римскому
Молитва Иоанну Милостивому
Молитва Меркурию Кесарийскому
Молитва Пресвятой Богородице Трех Радостей
Молитва Пресвятой Богородице Призри на смирение
Молитва Сампсону Странноприимцу, священнику и целителю
Молитва Дамиану Печерскому

Все молитвы ...



^ Наверх