Все православные молитвы

Главная » Все молитвы » Молитва святителю Григорию, епископу Неокесарийскому, Чудотворцу

Молитва святителю Григорию, епископу Неокесарийскому, Чудотворцу.

Икона Образ Святитель Григорий Чудотворец, епископ Неокесарийский

Святитель Григорий Чудотворец, епископ Неокесарийский

Молитва святителю Григорию, епископу Неокесарийскому, Чудотворцу

О пречестная и священная главо и благодати Святаго Духа исполненная, спасово со отцем обиталище, великий архиерее, теплый наш заступниче, святителю Григорие! Предстоя у престола всех Царя и наслаждаяся светом единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, моли спастися паствы Христовы людем, помози во бранех отечеству нашему, и покори вся противныя нам враги, мирное и безмятежное жительство наше устрой: благостояние святых церквей утверди: архиереи благолепием святительства украси: монашествующия к подвигом добраго течения укрепи: град сей и вся грады наши и страны добре сохрани, и веру святую непорочну соблюсти нам умоли: мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немощствующия исцели, и везде тепле призывающия тя и с верою притекающия к тебе и усердно припадающия и молящияся тебе от всяких напастей и бед ходатайством твоим свободи. Моли о нас всещедраго и человеколюбиваго Христа Бога нашего, да и в день страшнаго пришествия его от шуияго стояния избавит нас, и радости святых причастники сотворит со всеми святыми во веки веков. Аминь.

Тропарь святителю Григорию, епископу Неокесарийскому, Чудотворцу.

Тропарь, глас 8:
В молитвах бодрствуя, чудес деланьми претерпевая,/ тезоимение стяжал еси исправления,/ но молися Христу Богу, отче Григорие,// просветити души наша, да не когда уснем в смерть.

Кондак, глас 2:
Чудес многих прием действо,/ знаменьми ужасными демоны устрашил еси/ и недуги отгнал еси человеческия, всемудре Григорие,/ чудотворец же именуешися,// звание от дел прием.

Акафист святителю Григорию, епископу и чудотворцу Неокесарийскому ...

^ Наверх