Все православные молитвы

Главная » Все молитвы » Молитвы святым мученикам Гурию, Самону и Авиву

Молитва святым мученикам Гурию, Самону и Авиву.

Икона Образ святым мученикам Гурию, Самону и Авиву

Святые мученики Самон, Гурий и Авив. Современная икона.

Молитва святым мученикам Гурию, Самону и Авиву

О святии мученицы и исповедницы Христовы Гурие, Самоне и Авиве! Теплии о нас ходатаи и молитвенницы пред Богом, во умилении сердец наших, взирая на пречистый ваш образ, смиренно молим вас: услышите нас, грешных и недостойных рабов своих, сущих в бедах, скорбех и напастех, и призрев наша тяжкая и бесчисленная прегрешения, явите нам свою великую милость, воздвигните нас из глубины греховныя, просветите наш ум, смягчите злое и окаянное сердце, прекратите зависть, вражду и раздоры, в нас живущие. Осените нас миром, любовию и страхом Божиим, умолите милосерднаго Господа, да покрыет множество грехов наших Своим неизреченным милосердием. Да соблюдет Церковь Свою святую от неверия, ересей и расколов. Да подаст стране нашей мир, благоденствие, земли плодородие; супругам любовь и согласие; чадам послушание; обидимым терпение; обидящим страх Божий; скорбящим благодушие; радующимся воздержание. Всех же нас да покрыет Своею всесильною десницею, и да избавит от глада, губительства, труса, потопа, огня, меча, нашествия иноплеменников и междоусобныя брани, и напрасныя смерти. Да оградит нас ополчением святых Своих Ангелов, во еже избавитися нам по исходе нашем из жития сего от козней лукаваго и тайных воздушных мытарств его, и не осужденными предстати Престолу Господа Славы, идеже лицы святых Ангел со всеми святыми выну славят пресвятое и великолепое Имя Отца и Сына и Святаго Духа, ныне и присно и во веки веков. Аминь.

Молитва вторая Гурию, Самону и Авиву

О преславнии мученицы Гурие, Самоне и Авиве! Защитите нас, раб Божиих (имена), от напастей злых человек и козней демонских: оградите нас от нечаянный смерти, избавите от огня, меча и всякаго душепагубнаго обстояния. Ей, страстотерпцы Христовы, устройте нам молитвами вашими вся благая и полезная, да благочестно житие временное прешедше и кончину непостыдну стяжавше, удостоимся теплым заступлением вашим со всеми святыми одесную Правосуднаго Бога Судии стати и Того непрестанно славити, со Отцем и Святым Духом, во веки веков.

Молитва третья Гурию, Самону и Авиву

О, преславнии мученицы Гурие, Самоне и Авиве! К вам, яко скорым помощником и теплым молитвенником, мы немощнии и недостойнии прибегаем, усердно моляще: не презрите ны, во многая беззакония впадшия и по вся дни и часы согрешающия; наставите на путь правый заблуждшия, исцелите страждущия и скорбящия; соблюдите ны в непорочнем и целомудреннем житии; и якоже древле, тако и ныне покровителие супружеств пребудите, в любве и единомыслии сия утверждающе и от всех злых и бедственных обстояний избавляюще. Защитите, о многомощнии исповедницы, вся православныя христианы от напастей, злых человек и козней демонских; оградите я от нечаянныя смерти, умоляюще Всеблагаго Господа, да великия и богатыя милости нам, смиренным рабом Своим, пробавит. Несмы бо достойни нечистыми устнами призывати великолепое имя Создателя нашего, аще не вы, святии мученицы, за ны ходатаи будете; сего ради к вам прибегаем и предстательства вашего пред Господем о нас просим. Такожде избавите нас от глада, потопа, огня, меча, нашествия иноплеменных, междоусобныя брани, смертоносныя язвы и всякаго душепагубнаго обстояния. Ей, страстотерпцы Христовы, устройте нам молитвами вашими вся благая и полезная, да благочестно житие временное прешедше и кончину непостыдну стяжавше, удостоимся теплым заступлением вашим со всеми святыми одесную Правосуднаго Бога Судии стати и Того непрестанно славити со Отцем и Святым Духом во веки веков. Аминь.

Тропарь мученикам Гурию, Самону и Авиву, исповедникам.

Тропарь, глас 5:
Чудеса святых Твоих мученик стену необориму, нам даровавый, Христе Боже, тех молитвами советы языков разори, Церковь святую укрепи, яко един Благ и Человеколюбец.

Акафист святым мученикам Гурию, Самону и Авиву ...

Популярные молитвы:

Молитва Пресвятой Богородице Гребневская
Молитва преподобномученице Евдокии
Молитва Арсению Тверскому
Молитва Александру Свирскому
Молитва Матроне Московской
Молитва Нилу Сорскому
Молитва Тихону Медынскому, Калужскому
Молитва Пресвятой Богородице Смоленская Одигитрия
Молитва Иоанну Воину
Молитва Захарию и Елизавете
Молитва Симеону Верхотурскому

Все молитвы ...



^ Наверх