Все православные молитвы

Главная » Все молитвы » Молитва святителю Иннокентию, чудотворцу Иркутскому

Молитва святителю Иннокентию, чудотворцу Иркутскому.

Икона Образ Святитель Иннокентий Иркутский

Святитель Иннокентий Иркутский

Молитва святителю Иннокентию, чудотворцу Иркутскому

К тебе, святче Божий, яко к скорому помощнику и молитвеннику о спасении моем, аз недостойный и грешный припадая молюся: не презри мене унылаго, немощнаго, во многая беззакония впадшаго, и по вся дни и часы согрешающаго, но вонми души моей, яко скорблю, и умоли Господа Бога всея твари Содетеля, Емуже ныне предстоиши в радости святых и с лики ангелов, помиловати мя и извести из темницы греховныя душу мою, прежде даже не отъиду отсюду и ктому не уготов явлюся на суд Его. Ей, отче! не посрами мене, к тебе с верою притекающаго, аще бо и недостоин есмь твоего ходатайства и заступления, но ты, быв подражатель человеколюбия Божия, сотвори мя достойна чрез обращение от злых дел к благому житию, да тако душею и телом здрав быв, славлю и пою дивнаго во святых Своих Бога нашего и твое теплое заступление, всегда, ныне и присно, и во веки веков. Аминь.

Молитва вторая святителю Иннокентию, чудотворцу

Святителю, отче Иннокентие! Призри на нас, раб Божиих (имена), и на приход (дом) сей; моли Христа Бога, да низпослет нам Духа Своего Святаго дар, во еже умудрити нас ходити пред Ним во всяком благочестии и чистоте. Мы присно заблуждаем от пути спасения: руководи нас, милостивый наш наставниче. Мы немощни есмы в вере: утверди нас, правоверия учителю. Мы зело убози сотворихомся добрых дел: обогати нас, благосердия сокровище. Мы присно наветуеми есмы от враг, видимых и невидимых, и озлобляеми: помози нам, безпомощных заступниче; да славословяще имя Божие во дни и в нощи, сподобимся быти наследницы и жизни вечныя, и прославим Отца и Сына и Святаго Духа, ныне и присно, и во веки веков.

Молитва третья святителю Иннокентию, чудотворцу

Святче Божий, пастырю добрый, делателю верный винограда Христова, святителю отче Иннокентие! Призри на град сей и на люди сия! Моли Христа Бога, да сохранит паству твою от волков, губящих ю; да ниспослет Духа Своего Святаго во еже умудрити нас ходити пред Ним во всяком благочестии и чистоте во вся дни живота нашего, да славословяще Имя Его Всесвятое во дни и в нощи, сподобимся быти наследницы жизни вечныя, и прославим Отца, и Сына, и Святаго Духа, ныне и присно и во веки веков. Аминь.

Тропарь Иннокентию, еп. Иркутскому

Светильниче Церкве пресветлый, / озаривый лучами доброт твоих страну сию, / и исцеленьми многими притекающих к тебе с верою / Бога прославивый, / молим тя, святителю Иннокентие, / ограждай молитвами твоими град сей / от всех бед и печали.

Акафист святителю Иннокентию, епископу Иркутскому, чудотворцу ...

Популярные молитвы:

Молитва матери о своих детях
Молитва Нилу Столобенскому чудотворцу
Молитва Кириллу и Марии
Молитва Пресвятой Богородице Феодоровская
Молитва Кириллу Белоезерскому чудотворцу
Молитва Царю мученику Николаю
Молитва Адpиану и Наталии
Молитва Симеону Столпнику
Молитва Галактиону Вологодскому чудотворцу
Молитва Иоанну Рыльскому
Молитва Преподобному Виталию

Все молитвы ...



^ Наверх