Все православные молитвы

Главная » Все молитвы » Молитвы, Икона Пресвятой Богородице "Калужская"

Молитва к Пресвятой Богородице пред Ее иконою "Калужская".

Икона Образ Божьей Матери "Калужская"

Икона Божьей Матери Калужская

Пресвятой Богородице молятся страдающие недугом расслабления, болезнью ушей - слуха.

Молитва ко Пресвятой Богородице пред Ее иконою "Калужская"

О Пресвятая Дево, Мати Христа Бога нашего, Дивная Царице небесе и земли! Вонми многоболезненному воздыханию сердец наших; призри с высоты святыя Твоея на нас, с верою и любовию предстоящих пред чудотворною Твоею иконою и со умилением молящихся Тебе, Владычице! Не предаждь умалению Церковь Православную, помози нам, Пресвятая Богородице, святоотеческую православную веру до конца дней наших непорочно сохранити, во всех заповедех Господних неуклонно ходити и избави ны от пагубных душевредных учений.
На Твою, Дивная Царице Небеси и земли, милость уповаем раби Твои: очисти умы наша от греховных помыслов, душевнаго разслабления, обуревания страстей, от искушений, соблазнов и грехопадений; Ты бо еси, Владычице, крепкое прибежище грешников кающихся. Воздвигни нас из глубины греховныя и истинным покаянием ороси изсохшие сердца наша, просвети сердечныя очи наша к зрению спасения, и прельщенных бесовскою прелестию на путь правый настави; всякое дело злое и богопротивное разруши; всякому же благому и богоугодному делу научи и споспешествуй; вложи, Владычице, в сердца наша дух страха Божия, дух благочестия, дух кротости, смирения, терпения, незлобия; умягчи злыя сердца наша и злые благи сотвори, ниспосли нам ревность о спасении ближних.
Вразуми и научи ны, о Всемилостивая Заступнице наша, како безгрешно ходити по пути земнаго сего жития, яко Ты, Пресвятая, веси и веру нашу и упование наше видеши, Владычице мира! Скорбящих утеши, бедствующим помози; сохрани от молниеноснаго грома, тлетворных ветр, лютых болезней, смертоносныя язвы, междоусобныя брани, нашествия врагов иноплеменных.
Пресвятая Богородице! Избави ны от внезапныя и насильственныя смерти; всем нам даруй обращение на путь истинный и христианскую кончину живота нашего безболезненну, непостыдну, мирну, Святых Таин причастну. Во время исхода нашего предстани нам, Дево Богородице, и избави ны от власти бесовския, воздушных горьких мытарств и огня вечнаго. Скончавшимся внезапною смертию милостива быти Сына Твоего умоли и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая Молитвенница и Ходатаица. Преставльшихся же в вере и покаянии от временнаго жития сего отцы, братию и сестры наша сподоби Твоим ходатайством вселитися во обителех небесных со Ангелы и со всеми святыми, идеже непрестанно гласы празднующих и радостно славящих Пресвятую Троицу, Отца и Сына и Святаго Духа, ныне и присно, и во веки веков. Аминь.

Молитва вторая к Пресвятой Богородице. Читаемая во время крестного хода.

О Пресвятая Владычице Богородице, Царице Небеси и земли! К Тебе прибегаем и к Твоей помощи взываем: сохрани землю нашу от нашествия врагов иноплеменных, и от всякия болезни душевныя и телесныя, и от смертоносныя язвы, да всегда поем, величаем и славим Тя, Пресвятую Богородицу, яко благую и Дивную Заступницу нашу во веки веков. Аминь.

Тропарь, глас 4:
Заступнице от враг иноплеменных Необоримая Калужския земли и Избавительнице от смертоносныя язвы Милостивая! Избави рабы Твоя от всяких бед и болезней, с верою и любовию прибегающия к чудотворней иконе Твоей, и спаси души наша.

Кондак, глас 6:
Не имамы песней, ниже словес, како достойно восхваляти Тя, Мати Христа Бога нашего, явления ради чудотворныя иконы Твоея земли Калужстей, токмо можем вопити Тебе: не отврати милости Твоея от нас и ниспосли ю всем притекающим к цельбоносней иконе Твоей.

Величание:
Величаем Тя, Богородице Дево, и почитаем чудотворную икону Твою, еюже благоволила еси спасти землю Калужскую от нашествий вражиих и всегубительных болезней.

Акафист к Божьей Матери пред Ее иконою "Калужская" ...

Популярные молитвы:

Молитва святой великомученице Варваре
Молитва Иакову Железноборовскому
Молитва Григорию Неокесарийскому Чудотворцу
Молитва Меркурию Кесарийскому
Молитва Божьей Матери Споручница грешных
Молитва Пресвятой Богородице Муромская
Молитва Пресвятой Богородицей Живоносный источник
Молитва Пресвятой Богородицы Избавительница от бед
Ангел хранитель. Молитва Ангелу Хранителю
Молитва Оптинских старцев. Оптинский молитвослов
Молитва Алексию Московскому

Все молитвы ...



^ Наверх