Все православные молитвы

Главная » Все молитвы » Молитва Пресвятой Богородице пред иконой «Колочская»

Молитва Пресвятой Богородице пред иконой «Колочская».

Икона Образ Колочская икона Божией Матери

Колочская икона Божией Матери

Молитвами к ней избавляются от разных болезней и последствий инсульта.

Молитва Пресвятой Богородице пред иконой «Колочская»

О, Пресвятая Владычице Богородице, Царице Небесе и земли, Высшая Ангел и Архангел и всея твари Честнейшая, Чистая Дево Марие, миру Благая Помощнице, всех христиан Утверждение и всем во всяких нуждах Избавление!
Призри ныне на рабы Твоя, молящияся Тебе умиленною душею и сокрушенным сердцем, со слезами припадающия и пречестному и цельбоносному образу Твоему поклоняющияся. Буди за нас Ходатаица к Сыну Твоему, Христу Богу нашему, мы бо, грешнии, не имамы иныя Помощницы, разве Тебе, Владычице. Ты еси наша Надежда и Упование, Ты еси Заступница и Предстательница наша, Ты обидимым Защищение, печальным Утешение, скорбящим Радование, сирым Прибежище, вдовицам Хранительница, девам Слава, слезящим Веселие, больным Исцеление, грешным Спасение.
Сего ради, о Богомати, к Тебе прибегаем и, на Твой святый образ взирающе, с любовию покланяемся Тебе и молебное пение приносим, вопиюще: помилуй ны, Мати Божия, и прошения наша исполни во благо, вся бо возможна суть ходатайству Твоему к Сыну Твоему, Христу Богу нашему. Емуже подобает всякая слава, честь и поклонение со Безначальным Его Отцем и Пресвятым и Благим и Животворящим Его Духом ныне и присно и во веки веков. Аминь.

Акафист Пресвятой Богородице пред иконой «Колочская» ...

Все молитвы ...



^ Наверх