Все православные молитвы

Главная » Все молитвы » Молитва преподобного Макария Оптинского

Молитва преподобного Макария Оптинского.

Икона Образ Макарий Оптинский

Макарий Оптинский

Молитва преподобного Макария Оптинского

О священная и богомудрая главо, богоносе отче наш Макарие. За труды и подвиги твоя, имиже Христа прославил еси и от глада духовнаго люди российския избавил еси, Христос Господь Воплощенная нас ради Премудрость излия на верх твой неувядаемую славу смиренномудрия. Имже вся супостаты вражия низложил еси и баснословное суемудрие философов обличил еси. Темже убо отче, яко со святыми вменился еси и боголепное житие в Раи живеши, не остави нас сирых, грешная и неразумная чада твоя. Но боголюбивою твоею молитвою нас посети: избави от неразумия умы наша в суете мирстей выну шатающияся, утверди сердца наша Страхом Божиим иже плодит начатки премудрости, колеблющуюся волю нашу остени заповедьми Христовыми да не на одесную ниже шуюю отступим от закона Всевышняго. Отеческим преданием научи ны внимати и со опастсвом тыя хранити, да наследницы святых отцев явимся. Присно же сохрани наследие твое и обитель твою в нейже добропобедный подвиг совершил еси и тело твое яко драгоценный бисер в ней оставил еси. Да вси притекающии к раце мощей твоих исцеления приемлют и Бога прославят Дивнаго во святых Своих всегда ныне и присно и во веки веков. Аминь.

Молитва преподобного Макария Оптинского (При плотской брани)

О, Мати Господа моего Творца, Ты еси корень девства и неувядаемый цвет чистоты. О, Богородительнице! Ты ми помози, немощному плотскою страстию и болезненну сущу, едино бо Твое и с Тобою Твоего Сына и Бога имам заступление. Аминь.

Тропарь Макарию, старцу Оптинскому.

Тропарь, Глас 3:
Сердце, исполненное благодати, / в ризе смирения и кротости / неизлиянно пронесл еси / чрез все твое иноческое житие / преподобне отче Макарие блаженне; / такожде жаждущих напоил еси, / скорбящих утешил еси, / болезнующих исцелил еси. / Темже испроси у Христа Бога росу благодати душам нашим, / мира и велия милости. (Темже испроси у Христа Бога нашего и нам грешным росу благодати во / спасение душ наших.)

Тропарь, глас 6:
Православныя веры светильницы, монашества непоколебимии столпи, земли Российския утешителие, преподобнии Старцы Оптинстии, любовь Христову стяжавши и души своя за чада полагавши, молитеся ко Господу, да утвердит земное отечество ваше в Православии и благочестии и спасет души наши.

Кондак, глас 4:
Воистину дивен Бог во святых своих, Пустынь Оптину якоже вертоград старчества явивый, идеже богопросвещении отцы, тайная сердца человеческого ведуще, народа Божия печальницы доблии явишася: сии бо на путь покаяния грехом отягощеннныя наставиша, в вере колеблющияся светом Христова учения просветиша и Божией премудрости научиша, страждующим и немощным спострадаша и исцеления дароваша. ныне же, во славе Божией пребывающее, молятся непрестанно о душах наших.

Акафист святому преподобному Макарию Оптинскому ...

^ Наверх