Все православные молитвы

Главная » Все молитвы » Молитва святому благоверному великому князю Михаилу Ярославичу, Тверскому чудотворцу

Молитва святому благоверному великому князю Михаилу Ярославичу, Тверскому чудотворцу.

Икона Образ князь Михаил Ярославич, Тверской

князь Михаил Ярославич, Тверской

День памяти: 22 ноября/ 5 декабря.

Молитва святому благоверному великому князю Михаилу Ярославичу, Тверскому чудотворцу

Дивный во страдальцех святый благоверный великий княже Михаиле! Велия подвиги и труды твоя, яже за правоверие, за Церковь Божию и за отечество твое град Тверь положил еси. Ты, возжелав вышних, оставил еси тленную славу земную, и ревнуя подвижником Христовым, доблественно противустал еси ярости царя нечестиваго и прещению зломышленнаго его воеводы. Ты, прием неправедное осуждение и заколение, восприял еси Небесное Царствие, и кровными каплями, яко пречудным каменем, украсив на главе своей венец, предстоиши ныне на небесех престолу всех Владыки с лики ангел и со всеми святыми Его. Сего ради, притекающе к раце мощей твоих, лобызаем оныя сердечными устнами и умильно к тебе взываем: о тезоимените небесному воеводе вышних сил, великий княже Михаиле! Молися непрестанно Христу Богу за град твой, за люди и за вся православныя христианы. Буди споборник крепок на врагов православия Церкви Христовой. Буди и нам помощник улучити вся, к пользе нашей и ко спасению благопотребная, охраняй нас от искушений и напастей, приходящих во временней жизни, и не лиши нас ходатайства твоего ко Христу Богу, во еже получити нам прегрешений прощение и сподобитися небеснаго селения со избранными Его, яко да и в сем славится пречестное и великолепое имя Его во веки. Аминь.

Молитва вторая святому благоверному великому князю Михаилу Ярославичу, Тверскому чудотворцу

О святый княже Михаиле! Испроси нам, рабам Божиим (имена), у Господа Бога предстательством твоим мир, здравие, долгоденствие и во всем благоспешество. Буди нам помощник вся, яже ко спасению и пользе нашей, восприяти; охраняй нас от искушений и напастей, во временней жизни приходящих, и не лиши нас ходатайства твоего ко Христу Богу, во еже получити нам прегрешений прощение и сподобитися небеснаго селения со избранными Его, яко да и в сем славится пречестное и великолепое имя Его во веки веков.

Тропарь святому великому князю Михаилу Ярославичу, Тверскому чудотворцу.

Тропарь, глас 8:
Возвысив ум твой к Богу,/ и жития со Ангелы возжелел еси,/ тленную славу земную оставил еси, блаженне,/ и положил еси душу твою за люди твоя,/ восприял еси венец противу трудов твоих, Богомудре Михаиле,/ моли Христа Бога о чтущих любовию святую память твою.

Кондак, глас 2:
Вышних ища и земную славу презрев,/ Церковь Божию обагрил еси твоею кровию,/ за Нюже и пострадал еси, святе Михаиле,/ заколение неправедное прием, веселяся./ Темже со Ангелы предстоя Христу Богу,/ моли непрестанно за вся ны.

Акафист святому благоверному великому князю Михаилу Ярославичу, Тверскому чудотворцу ...

Популярные молитвы:

Молитва Николаю чудотворцу, Мир Ликийских
Молитва Пресвятой Богородице Нечаянная Радость
Молитва Иоанну Предтечи и Крестителя Господня
Молитва Иринарху Ростовскому
Молитва Киру и Иоанну
Молитва Садоку Персидскому
Молитва Захарию и Елизавете
Молитва Пресвятой Богородице Целительница
Молитва Феодору, Давиду и Константину
Молитва Божьей Матери Боголюбская
Молитва Сампсону Странноприимцу, священнику и целителю

Все молитвы ...



^ Наверх