Все православные молитвы

Главная » Все молитвы » Молитва святому мученику Трифону

Молитва святому мученику Трифону.

Икона Образ Святой мученик Трифон

Святой мученик Трифон

Молитва святому мученику Трифону

О святый мучениче Христов Трифоне, скорый помощниче и всем к тебе прибегающим и молящимся пред святым твоим образом скоропослушный предстателю! Услыши ныне и на всякий час моление нас, недостойных рабов твоих, почитающих святую память твою во всечестнем храме сем, и предстательствуй о нас пред Господем на всяком месте. Ты бо, угодниче Христов, в великих чудесех возсиявый, источаяй цельбы притекающим к тебе с верою и сущия в скорбех человеки заступаяй, сам обещался еси прежде исхода твоего от жития сего тленнаго молитися за ны ко Господу и испросил еси у Него дар сей: аще кто в какой-либо нужде, печали и болезни душевней или телесней призывати начнет святое имя твое, той да избавлен будет от всякаго прилога злаго. И якоже ты иногда дщерь цареву, в Риме граде от диавола мучиму, исцелил еси, сице и нас от лютых его козней сохрани во вся дни живота нашего, наипаче же в день последняго нашего издыхания предстательствуй о нас. Буди нам тогда помощник и скорый прогонитель лукавых духов, и к Царствию Небесному предводитель. И идеже ты ныне предстоиши с лики святых у Престола Божия, моли Господа, да сподобит и нас причастники быти присносущнаго веселия и радости, да с тобою купно прославляем Отца и Сына и Святаго Утешителя Духа во веки. Аминь.

Молитва вторая Трифону

О святый мучениче Христов Трифоне, услыши ныне и на всякий час моление нас, раб Божиих (имена), и предстательствуй о нас пред Господем. Ты некогда дщерь цареву, во граде Риме от диавола мучиму, исцелил еси: сице и нас от лютых его козней сохрани во вся дни жития нашего, наипаче же в день последняго нашего издыхания предстательствуй о нас. Моли Господа, да сподобит и нас причастники быти присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки веков.

Тропарь мученику Трифону.

Тропарь, глас 4:
Мученик Твой Господи, Трифон, во страдании своем венец прият нетленный от Тебе Бога нашего: имеяй бо крепость Твою, мучителей низложи, сокруши и демонов немощныя дерзости. Того молитвами спаси душы наша

Кондак, глас 8:
Творческою твердостию многобожие разрушил еси от конец всеславне, честен во Христе быв, и победив мучителей во Христе Спасителе, венец приял еси мученичества твоего, и дарования Божественных исцелений, яко непобедим.

Акафист святому мученику Трифону ...

Популярные молитвы:

Молитва матери о своих детях
Молитва Филарету Милостивому
Молитва Спиридону Тримифунтскому чудотворцу
Молитва Филиппу Московскому
Молитва Нилу Сорскому
Молитва Кириллу Белоезерскому чудотворцу
Молитва Галактиону Вологодскому чудотворцу
Молитва святому великомученику Мине
Молитва Григорию Неокесарийскому Чудотворцу
Акафист всем иконам Божьей Матери. Молитва Божьей Матери
Ангел хранитель. Молитва Ангелу Хранителю

Все молитвы ...



^ Наверх