Все православные молитвы

Главная » Все молитвы » Молитва святому преподобному Трифону, Вятскому чудотворцу

Молитва святому преподобному Трифону, Вятскому чудотворцу.

Икона Образ Преподобный Трифон, архимандрит Вятский

Преподобный Трифон, архимандрит Вятский

Молитва святому преподобному Трифону, Вятскому чудотворцу

О священная главо, преподобне отче наш Трифоне! Земный ангеле и небесный человече, светильниче пресветлый, страну Вятскую озаряяй чудесы, граду нашему стено и утверждение, бедствующым крепкий помощниче, обители твоея добрый хранителю, присный о нас к Богу молитвенниче и теплый о душах наших ходатаю! Тебе, угодниче Божий, неистощимое от Всеблагаго Владыки благодати и даров дадеся сокровище, еже целити недуги телесныя и отгоняти страсти душевныя и от всех зол избавляти с верою имя твое призывающих. К тебе убо прибегаем и тебе припадающе молимся: не презри нас, молящихся тебе и твоея просящих помощи, избави нас от враг видимых и невидимых, завистно на ны возстающих и яростию зверскою поглотити хотящих, изми нас невидимым предстательством твоим от смущения и бури и тмочисленных скорбей наших, за грехи наша нам прибывающих. О предивный и богоносный отче наш Трифоне! Скоро потщися на помощь нашу. Вознеси благомощную молитву твою ко Господу сил: страждущую страну Российскую от лютых безбожник и власти их Господь да свободит, и да возставит престол православных правителей; верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш, да потребит Господь от земли нашея вся неистовыя крамолы, и утвердит в ней безмятежие, мир и благочестие, да сохранит обитель твою святую, град наш и вся грады и веси страны нашея от глада и губительства, от мятежа и нестроения, от запаления и бури, от нападений вражиих и от тлетворных ветр и от всякаго зла. Умилостиви о нас благоприятными молитвами твоими Христа Бога нашего, еже избавитися нам от грех наших и наветов вражиих, яко да заступлением твоим и помощию в мире и тишине богоугодне зде на земли поживем, и в будущем веце да сподобимся части святых Господем нашим Иисусом Христом, Емуже подобает и честь и поклонение, ныне и во вся веки. Аминь.

Тропарь святому преподобному Трифону, Вятскому чудотворцу.

Тропарь, глас 4:
Яко светозарная звезда, / возсиял еси от востока до запада, / оставль бо свое отечество, / дошел еси Вятския страны и Богоспасаемаго града Хлынова, / в немже обитель во славу Пресвятыя Богородицы создав, / и, тамо на добродетель вперився, / собрал еси иночествующих множество, / и, сих наставляя на путь спасения, / был еси Ангелом собеседник, / и постником сопричастник, Трифоне преподобне, / с ними Христа Бога моли спастися душам нашим.

Ин тропарь, глас 4:
Яко светозарная звезда возсиял еси от востока до запада, оставль бо свое отечество, дошел еси Вятския страны и Богоспасаемаго града Хлынова, в немже обитель во славу Пресвятыя Богородицы создав, и тамо на добродетель вперився, собрал еси иночествующих множество, и, сих наставляя на путь спасения, был еси ангелом собеседник и постником сопричастник, Трифоне преподобне, с ними Христа Бога моли спастися душам нашим.

Кондак, глас 8:
Днесь в начале основания добродетелем, блаженне, положил еси в души своей страх Божий, от юности взем крест свой, благочестно Христови последовал еси, ангельским образом облечеся и бысть монах предивен, в добродетелех цветяше, к будущим Богови простирался. И своей плоти, яко врагу, немилостив, отче, был еси, терпением явися, блаженне, яко злато искушено в горниле, но и ныне не забуди посещати чад своих, поминай нас, чтущих пресвятую память твою, да вси благодарне вопием ти: радуйся, премудре Трифоне, наставниче монахов.

Ин кондак:
Волнений множество невлажно преходя, безплотныя враги струями слез твоих крепко погрузил еси, Богомудре Трифоне, и чудес дар прием, моли непрестанно о всех нас.

Величание:
Ублажаем тя, преподобне отче Трифоне, и чтим святую память твою, наставниче монахов и собеседниче ангелов.

Акафист святому преподобному Трифону, Вятскому чудотворцу ...

Популярные молитвы:

Молитва Анастасии Узорешительнице
Молитва Иакову Железноборовскому
Молитва Тихону Медынскому, Калужскому
Молитва Тихону Задонскому Воронежскому чудотворцу
Молитва святому Диомиду врачу
Молитва святому великомученику Мине
Молитва Георгию Победоносцу
Молитва Пресвятой Богородице Отрада или Утешение
Молитва Пресвятой Богородице Призри на смирение
Молитва Дамиану Печерскому
Албазинская икона Божьей Матери Слово плоть бысть

Все молитвы ...



^ Наверх