Все православные молитвы

Главная » Все молитвы » Молитва преподобному Варлааму Хутынскому, Новгородскому чудотворцу

Молитва преподобному Варлааму Хутынскому, Новгородскому чудотворцу.

Икона Образ Преподобный Варлаам Хутынский, Новгородский чудотворец

Преподобный Варлаам Хутынский, Новгородский чудотворец

Молитва преподобному Варлааму Хутынскому, Новгородскому чудотворцу

О Преподобне и Богоносне Отче наш Варлааме! Услыши нас молящихся Тебе и буди нам помощник в скорбех наших, и избави нас от напастей, за множество прегрешений находящих на ны; умоли, Угодниче Христов! Всеблагаго Бога даровати нам оставление всех от юности нашея до настоящаго дне и часа, делом, словом, помышлением и всеми чувствы содеянных нами согрешений, исходатайствуй нам невозбранный вход в Небесное Царствие, да прославляем непрестанно Славимую от Ангел Всесвятую Троицу, Отца и Сына и Святаго Духа! и Твое милостивное предстательство в безконечныя Веки. Аминь! И Богу слава!

Молитва иная преподобному Варлааму Хутынскому, Новгородскому чудотворцу

О священная главо, преподобне и преблаженне отче наш Варлааме великий! не забуди нас рабов твоих, но поминай нас всегда во святых и благоприятных молитвах к Богу, яко имея к нему дерзновение и не премолчи молитися о нас верою и любовию чтущих тя. Тебе бо дадеся благодать молитися о нас; не мним бо тя мертва быти, и по смерти убо духом твоим не отступай от нас, но сохраняй нас от стрел вражиих и всякия прелести бесовския и козней диавольских. Пастырю наш добрый и светило российское! се образ твой пред очима нашими представит всегда: святая же твоя душа со бесплотными небесными лики у престола Вседержителя предстоит веселящися. Тебе припадаем, отче святый Варлааме, и со слезами молимся: моли Всесильнаго Бога о нас и о пользе душ наших, испроси нам время покаяния и невозбранно пройти от всех воздушных князей и избавитися вечныя муки, и царствия Христова причастниками быти, да спасени тобою, прославим Господа нашего Иисуса Христа со безначальным его Отцем и пресвятым Духом ныне и присно и во веки веков. Аминь.

Тропарь преподобному Варлааму Хутынскому.

Тропарь, глас 3:
Иже на земли леганием,/ пощением же и бдением/ тело твое изнуряя, преподобне,/ вся плотская мудрования умертвил еси,/ и исцелений струя независтная явился еси/ верою притекающим к тебе, Варлааме отче наш,/ моли Христа Бога// спастися душам нашим.

Кондак, глас 8:
Якоже другий Илия, отче, дождь с небесе свел еси,/ он убо огнь сведе и царя удиви,/ ты же люди твоя возвеселил еси и торжествовати устроил еси./ Великий бо Новград вельми тобою хвалится, имея мощи твоя в себе,/ Егоже сохраняй от враг непоколебима, да зовем ти:// радуйся, преподобне Варлааме, отче наш.

Ин тропарь, глас 8:
Богодуховныя благодати исполнився/ и разжегся любовию Животворящия Троицы,/ млад явися Богу угождаяй,/ ревнуя святым отцем преподобным,/ великия труды возлюбив,/ и понесл еси, и демонския посрамив, множкества низложил еси,/ и преставися в вечный покой,/ и ныне подаеши просящим неоскудное исцеление,/ исцеляя многоразличныя недуги,/ молимтися, святый преподобне отче Варлааме,/ непрестанно молися ко Господу о душах наших.

Акафист преподобному Варлааму Хутынскому, Новгородскому чудотворцу ...

Популярные молитвы:

Архангел Рафаил. Молитва Архангелу Рафаилу
Молитва Нилу Столобенскому чудотворцу
Молитва Пресвятой Богородице Нечаянная Радость
Молитва Нифонту Кипрскому
Молитва Ксении Петербургской
Молитва Димитрию Прилуцкому
Молитва Макарию Калязинскому чудотворцу
Молитва Ионы Московского чудотворца
Молитва Марии Египетской
Молитва Князю Александpy Hевскомy
Акафист всем иконам Божьей Матери. Молитва Божьей Матери

Все молитвы ...



^ Наверх