Все молитвы » Молитвы » Молитва великомученику Меркурию Кесарийскому

Молитва великомученику Меркурию Кесарийскому

Икона Образ Святой великомученик Меркурий

Святой великомученик Меркурий

Молитва великомученику Меркурию Кесарийскому

О великомучениче святый и доблий воине Христов Меркурие, страданием, кровию и смертию своею верность Христу и Церкви Его свидетельствовавый и сего ради венец жизни от Него приемый! Ныне в хвалебных песнех тебе прославляюще, смиренно к тебе припадаем и усердно молим: предстатель буди пред Богом о душах наших неусыпный, умоли Владыку Господа, да сохранит Святую Церковь Свою и всех чад ея в союзе любве и единомыслии, да утвердится мир и безмятежие в людех, во отечестве нашем живущих, да познают вси, яко Христос есть Путь, Истина и Жизнь, и да приидут к Нему вси труждающиися и обремененнии, и упокоит их. О великий угодниче Божий! Крепкое стояние в вере нашей даруй нам, благодатную помощь нам низпосли, да мирное, тихое и богоугодное житие поживем в веце сем и достойно с тобою в день оный восхвалим Пресвятую Троицу, Отца и Сына и Святаго Духа, во веки веков. Аминь.

Тропарь великомученика Меркурия

Тропарь, глас 4:
Мученик Твой, Господи, Меркурий/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

Кондак, глас 4:
Во бранех непобедимаго воина/ и в бедах непостыдна заступника,/ песньми Меркурия ублажим, славяще,/ празднующия бо память его весело// от бед избавляет и скорбей.

далее Акафист великомученику Меркурию Кесарийскому ...