Все молитвы » Молитвы » Молитва преподобному Савве, игумену Сторожевскому, Звенигородскому чудотворцу

Молитва преподобному Савве, игумену Сторожевскому, Звенигородскому чудотворцу

Икона Образ Савва Сторожевский, Звенигородский чудотворец

Савва Сторожевский, Звенигородский чудотворец

Молитва преподобному Савве, игумену Сторожевскому, Звенигородскому чудотворцу

О пречестная и священная главо! Небеснаго Иерусалима гражданине, Пресвятыя Троицы обиталище, преподобне отче Савво! Велие имея дерзновение ко Всемилостивому Владыце, молися о стаде ограды твоея и о всех по духу чадех твоих. Не премолчи за ны ко Господу и не презри верою и любовию чтущих тя. Испроси предстательством твоим у Царя царствующих мир Церкви, под знамением креста воинствующей, Архиереом святительства благолепие, монашествующим доброе в подвизех течение; святей обители сей, граду сему и всем градом и странам охранение; миру безмятежие и мир, глада и пагубы избавление; старым и немощным утешение и подкрепление, юным и младенцам благое в вере возрастание, в Евангельском учении твердое обучение, и в чистоте и целомудрии пребывание; вдовицам и сиротам милость и заступление, плененным отраду и возвращение, болящим исцеление, малодушным успокоение, заблуждшим исправление, согрешающим дух сокрушения, бедствующим благовременну помощь. Не посрами нас, к тебе с верою притекающих, споспешествуй, яко чадолюбивый отец чадам, и нам понести иго Христово во благодушии и терпении, и всех управи в мире и покаянии скончати живот свой непостыдно и преселитися со упованием во обители небесныя. Идеже ты, по трудех и подвизех, ныне водворяешися со Ангелы и Святыми, зря и прославляя Бога, в Троице славимаго, Отца и Сына и Святаго Духа. Аминь.

Тропарь преподобного Саввы Сторожевского

Тропарь, глас 8:
Пустыни явился еси доброе прозябение, преподобне:/ от юности бо изволил еси чистое житие, духовному твоему учителю последуя,/ и того учением ум к Небесным вперив,/ и стаду твоему премудр наставник показался еси;/ тем и Христос яко пресветла тя светильника чудесы обогати,/ Савво, отче наш,// моли спастися душам нашим.

Тропарь, глас 8:
Пустыни явился еси доброе прозябение, преподобне,/ от юности бо изволил еси чистое житие,/ духовному твоему учителю последуя,/ и того учением ум к Небесным вперив,/ и стаду твоему премудр наставник показался еси,/ тем и Христос яко пресветла тя светильника чудесы обогати.// Савво, отче наш, моли спастися душам нашим.

Кондак, глас 2:
Господним желанием распалився,/ страсти плотския воздержанием оттряс,/ Божественнаго света незаходимое светило явился еси,/ чудес лучами всех просвещаеши,/ притекающих к мощем твоим,// Савво преподобне, отче наш.

Кондак, глас 2:
Господним желанием распалився,/ страсти плотския воздержанием оттряс,/ Божественнаго света незаходимое светило явился еси,/ чудес лучами всех просвещаеши,/ притекающих к мощем твоим,// Савво преподобне, отче наш.

далее Акафист преподобному Савве, игумену Сторожевскому, Звенигородскому чудотворцу ...